කොවිඩ් රෝගයට අමතරව මේ දිනවල පාසල් දරුවන් අතරේ වෛරස් උණ රෝගයක් පැතිරෙමින් තිබෙන බැවින් ඒ ගැන සැලකිලිමත් වන ලෙස රජයේ වෛද්‍ය නිලධාරීන්ගේ සංසදයේ...
කොවිඩ් රෝගයට අමතරව මේ දිනවල පාසල් දරුවන් අතරේ වෛරස් උණ රෝගයක් පැතිරෙමින් තිබෙන බැවින් ඒ ගැන සැලකිලිමත් වන ලෙස රජයේ වෛද්‍ය නිලධාරීන්ගේ සංසදයේ ලේකම් වෛද්‍ය කමල් ඒ. පෙරේරා මහතා දෙමාපියන්ගෙන් ඉල්ලා සිටිිිිනවා.
මෙම තත්ත්වය තුළ මුඛ ආවරණ පැළඳීම ඇතුළු සෞඛ්‍ය පුරුදු අනුගමනය කිරීම තවදුරටත් අඛණ්ඩවම පවත්වාගෙන යා යුතු බව ද ඒ් මහතා පවසනවා
මෙහිදී තවදුරටත් කතා කළ වෛද්‍ය කමල් ඒ. පෙරේරා මහතා මෙසේද කියා සිටියා
“දැන් බොහෝ දෙනෙකුට කොවිඩ් අමතක වෙලා. තාමත් දවසකට කොවිඩ් රෝගීන් සියයකට ආසන්න පිරිසක් වාර්තා වෙනවා. ඒ වගේම දවසකට කොවිඩ් මරණ 5 ක් 6 ක් වාර්තා වෙනවා. ඒ ගැන වැඩි අවධානයක් යොමුකරන ලෙස මහජනතාව ගෙන් ඉල්ලා සිටිනවා.
පාසල් දරුවන් අතරේ වෛරස් උණ රෝගය ද දැන් පැතිරෙමින් තිබෙනවා. තම දරුවා වෛරස් උණ රෝගයෙන් පෙළෙනවා නම් පාසල් යවන්න එපා කියලා දෙමාපියන්ගෙන් ඉල්ලා සිටිනවා.”
ප්‍රදීප් ප්‍රසන්න සමරකෝන් සහ සුජීව තත්සර
