හැමෝම කැමති පිළිවෙලට ඉන්න. මේ අතර කාන්තාවන් මේදේට වැඩිපුර කැමතියි. අපි අද ඉදන් කතා කරන්න බලාපොරොත්තු වෙනවා ජීවත්වෙන ගෙදර ලස්සනට පිළිවෙලට තිය...
හැමෝම කැමති පිළිවෙලට ඉන්න.
මේ අතර කාන්තාවන් මේදේට වැඩිපුර කැමතියි.
අපි අද ඉදන් කතා කරන්න බලාපොරොත්තු වෙනවා ජීවත්වෙන ගෙදර ලස්සනට පිළිවෙලට තියාගන්න පුළුවන් ක්‍රම කීපයක් ගැන.
අද ඒකේ පළමු ක්‍රමය.
අපේ අම්මලාගේ, ආච්චිලාගේ පරම්පරාවල ඉඳන් අද අපේ පරම්පරාව වෙනකන්ම තියෙන නරක පුරුද්දක් තමයි මේ අනවශ්‍ය දේවල් ගේ පුරාම ගොඩ ගහගන්න එක.
නිකමට වටේ පිටේ බලන්න ඔය ඉන්න ගමන්ම.
පරණ කැඩිච්ච සපත්තු, කුඩ, හිස් බීම බෝතල්, පරණ ලිපිද්‍රව්‍ය ඕන තරම් තියෙනවා නේද අස් කරන්න කම්මැලිකමට හරි, විසි කරන්න ලෝභ කමට හරි අහුමුළු වල ගොඩගහල?
අන්න ඒවා තමයි ගෙදරක පිළිවෙල මුලින්ම විනාශ කරන අනවශ්‍ය කුණු ගොඩවල්.
අර ජපනා හපනා කරපු එස් 5 සංකල්පයේ උනත් මුලින්ම කියන්නේ අනවශ්‍ය දේවල් ඉවත් කරන්න කියලයි. ඉතින් මුලින්ම බලන්න ඕනෙ මෙන්න මේ කාරණාව.
නිවාඩු දවසක් එහෙම්පිටින්ම වෙන් කරගන්න ගෙදර අනවශ්‍ය කුණු ගොඩවල් අස්කරගන්න.
අද හෙට, එහෙම නැත්තම් අපිට තව මාස 6ක් ඇතුළත අවශ්‍ය නොවෙන, එහෙමත් නැත්තම් පහුගිය අවුරුද්දක් ඇතුළත පාවිච්චි නොවුන ඔක්කොම අත්‍යාවශ්‍ය නොවෙන දේවල්.
මේවගෙනුත් විසිකරලම දාන්න පුළුවන් කුණු ගොඩවල් වර්ගය අනුව වෙන්කරල කුණු ලොරියට යවන්න.
අත්‍යවශ්‍යම ලිපි ද්‍රව්‍ය ඒ කිව්වේ බිල් වර්ග වගේ ඒවා පිළිවෙලකට ෆයිල් කරලා අනවශ්‍ය පාවිච්චි කරපු පොත්, පරණ විෂය පොත් වගේ ඒවා අයින් කරන්න. කාටහරි ඕනවෙන දරුවෙක්ට දෙන්න.
පස්සේ ඕනෑවෙයි කියලා හිතෙන ලෝභකමෙන් මිදුනම අනවශ්‍ය කුණු ගොඩවල් වලින් නිදහස් වෙන එක හරිම ලේසි වැඩක්.
මේ දේවල් අයින් කරගත්ත කියන්නේ ගෙදර පිළිවෙලින් බාගයක්ම හදාගෙන ඉවරයි දැන්
මෙන්න මේ විදිහට ගෙදර පිළිවෙලට තියාගන්න වැඩ පටන්ගමු තවත් දවසක තව ඉඟියක් දෙන්නම්.
